/p. 16/ meae patronum adinvenisse. I. C. – Quinimo
nec coelum ipsum videri alibi asseruimus. Alex. –
Cui rationi haec tua innititur assertio? I. C. – Ipsum
translucidum coeli corpus transmittit radios, qui
propter distantiam praebent speciem corporis
condensati ob densitatem in recta linea. Eadem
enim est ratio sive partes aëris condensentur
ad decem millia in corpore semipedalis longitudinis,
sive eaedem angustatae in sextulae crassitudinem
protendantur in linea visuali ad tricenos
senos pedes. Sic etiam summus omnium rerum
Opifex aërem ordinavit, qui tamen visibilis non
est. Est enim medium ad videndum; nequit igitur
esse extremum. Alex. – Mane paulisper in
depromendis subtilitatum thesauris, ut tam
occulta contemplatio menti meae tenacius inhaereat.
I. C. – Ego te morabor.
DIALOGUS IV
De coeli forma et motore.
Alex. –
Nunc vero, mellitissime Iuli Caesar, in
dubio sum probesne eorum sententiam,
qui duplicem agnoscunt in
coelo formam: unam qua coelum est,
alteram qua movetur, id est Intelligentiam. I. C. –
Minime vero; hac enim ratione coeli forma
nihil aliud esset quam corporis forma, quae illud
Indice
|
Pagine introduttive |
|
LIBER PRIMUS De Coelo et Aere |
|
LIBER SECUNDUS De Aqua et Terra |
|
LIBER TERTIUS De Animalium Generatione et Affectibus quibusdam |
|
LIBER QUARTUS SUBTILISSIMUS De Religione Ethnicorum |